चलदिगञ्चल -परमचञ्चल -भवकुलाचलमण्डले ,
सरदिलातल -भयविकम्पित- तरुलतादलविभ्रमे।
सघनडम्बर - घनघटाम्बर -पूरिते - गगनाङ्गणे,
धृतकपालक- मखिलपालक - माश्रये गिरिजापतिम्।।
नवसुधासम - ललितवारि - विभूति -भूषितमस्तकं ,
विषमभीषण - विपदिभासुर- शूलिनं - धृतशूलकम्।
विमलगाङ्गतरङ्ग - सङगतिधौत - पादसरोरुहम् ,
धृतकपालक - मखिलपालकमाश्रये गिरिजापतिम् ।।
विविधदेव- महर्षि - मण्डल - रक्षणक्षम - सक्षमम्।
शुचिकराङ्गुलि -मध्यरक्षित - मक्षमालकजालकम् ।।
विपुलवैभव - दानदक्ष - मदक्षदक्ष - विदारिणम्,
धृतकपालक. मखिलपालक माश्रये गिरिजापतिम्।।
विमलबोध - विबोधरक्षणसक्षमं , करुणामयम् ।
सकलरागविरागरीतिसमेधितं हसिताननम् ।।
प्रेत भूत पिशाच राक्षस यक्ष पक्ष समीहितम् ।
धृतकपालक मखिलपालक माश्रये गिरिजापतिम्।।
गणपति - स्तवमंत्र -मोहितमानसं सुविलासकम् ।
सुरजनानन- हासकं - खलु दैत्यकुल संहारकम् ।
विकटताप. मपायकर्मविधान धारणपण्डितम् ,
धृतकपालकमखिलपालकमाश्रये गिरिजापतिम् ।।
सुतषडानन - ललितसुन्दरवर्ण - संस्तुतिहर्षितम्।
द्रुहिणदेव - सुतर्षि बृहती . नाद नादित चेतसम्।।
विमलचन्द्र कलावतंसित शेखरं श्रितनन्दिनम् .
धृतकपालकमखिलपालकमाश्रये . गिरिजापतिम्।।
दिनमिनञ्च - सुदक्षिणाक्षिधरं तथैव निशाकरम् ।
विमलवाम सुनेत्रसंश्रयदायकं भवनायकयम्,।।
तरलवह्निसुगोपनं . निजचक्षुषीह . तृतीयके ।
धृतकपालकमखिलपालकमाश्रये गिरिजापतिम् ।।
करतलस्थित मष्टसिद्धि समन्वितं पशुपाशकम् ।
निखिलविश्वपतिं पुरन्दरपूजितं प्रणमाम्यहम्।।
निजकृपामृतवारिणा मम जीवनं शिव!! रक्षय ।
धृतकपालकमखिलपालकमाश्रये गिरिजापतिम् ।।
इतिश्रीमत्प्रणवमहाकविरचितं गिरिजापतिस्तोत्रम्
thanks for a lovly feedback