************* ऊँ नमो नारायणाय ***********
सर्वत्रेश्वरान्वीक्षापरायणेभ्य: सद्भ्य: सुप्रभातम्
ऊँ
*********
सदानन्देऽमन्दे सकलसुखकन्दे नरहरौ
चिदानन्दे वन्द्ये मधुरमकरन्देsब्जलसिते ।
सिते शंखे चक्रे रुचिरगदया चाढ्यसुकरे
मुदा वन्दे विष्णो: चरणशरणेहं जडमति:।।
हरिद्रासिन्धूत्था कनकरुचिरा सागरसुता
सुवर्णा सौभाग्यादभवदिह पत्नी तव हरे !
कराभ्यां या देवी स्रवति सततं निष्कशकला...
न्यहो!सा नम्यास्ते भुवनतलसंस्थै: सुकृतिभि:।।
स धर्मार्थौ धत्ते निखिलसुखदाढ्यो हरिरसौ
सुकामामोक्षौ च प्रणयपथगानां सुसृजति ।
अतो नेया सद्भि: जननसरणीह क्षितितले
सदा तस्यैव श्रीरमणचतुरस्यामलपदे ।।
निधि: सर्वार्थानां प्रविधिरमलो मोक्षमहितां
सदानन्देच्छूनां विविधविधिसंपादनकर: ।
सुधी: शास्त्रज्ञानां प्रमथनपटु: क्षीरजलधे:
विधत्तां न: सिद्धिं रमणचपलोविष्णुरनिशम्।।
प्रसन्नो यो नित्यं प्रणवजपशीलेषु भुवने
प्रपञ्चाघातेषु प्रमथनधुरीणो मतिमताम् ।
कवे: प्राणाधार: प्रणववचनाराधिततनू:
प्रकर्षं नेयात्स द्रवितहृदयोद्रागनुपमम् ।।
******************* प्रणव ************
*****
