लक्ष्मी यस्य परिग्रहः कमलभूः सूनुर्गरुत्मान् रथः पौत्रश्चन्द्रविभूषणः सुरगुरुः शेषश्च शय्यासनः । ब्रह्माण्डं वरमन्दिरं सुरगणा यस्य प्रभोः ...
लक्ष्मी यस्य परिग्रहः कमलभूः सूनुर्गरुत्मान् रथः
पौत्रश्चन्द्रविभूषणः सुरगुरुः शेषश्च शय्यासनः ।
ब्रह्माण्डं वरमन्दिरं सुरगणा यस्य प्रभोः सेवकाः
स त्रैलोक्य-कुटुम्ब-पालनपरः कुर्यात् सदा मङ्गलम् ॥१॥
ब्रह्मा - वायु - गिरीश - शेष-गरुडा देवेन्द्र-कामौ गुरु-
चन्द्राकौ वरुणा-ऽनलौ मनु-यमौ वित्तेश-वघ्नेश्वरौ ।
नासत्यौ निऋति-र्मरुद्गणयुताः पर्जन्य-मित्रादयः
स-स्त्रीकाः सुरपुङ्गवाः प्रतिदिनं कुर्वन्तु वो मङ्गलम् ॥२॥
विश्वामित्र - पराशरौर्व - भृगवोऽगस्त्यः पुलस्त्यः क्रतुः
श्रीमानत्रि - मरीचि कौत्स पुलहाः शक्तिर्वसिष्ठोऽङ्गिराः ।
माण्डव्यो जमदग्नि - गौतम - भरद्वाजादयस्तापसाः
श्रीमद्विष्णु-पदाब्जभक्ति-निरताः कुर्वन्तु वो मङ्गलम् ॥ ३ ॥
मान्धाता नहुषो - ऽ म्बरीष-सगरौ राजा पृथुर्दैहयः
श्रीमान् धर्मसुतो नलो दशरथो रामो ययातिर्यदुः ।
इक्ष्वाकुश्च विभीषणश्च भरतश्चोत्तानपादध्रुवा-
वित्याद्या भुवि भूभुजः प्रतिदिनं कुर्वन्तु वो मङ्गलम् ॥४॥
श्रीपेरुर्हिमवाँश्च मन्दरगिरिः कैलासशैलस्तथा
माहेन्द्रो मलयश्च विन्ध्य-निषधौ सिंहस्तथा रैवतः ।
सह्याद्रिर्वर गन्धमादनगिरि - मैनाक - गोमन्तका-
वित्याद्या भुवि भूभृतः प्रतिदिनं कुर्वन्तु वो मङ्गलम् ॥५॥
गङ्गा सिन्धु-सरस्वती च यमुना गोदावरी नर्मदा
कृष्णा भीमरथी च फल्गु-सरयूः श्रीगण्डकी गोमती ।
कावेरी कपिला - प्रयाग - विनता वेत्रावतीत्यादयो
नद्यः श्रीहरिपादपङ्कजभवाः कुर्वन्तु वो मङ्गलम् ॥ ६ ॥
वेदाश्चोपनिषद्गणाश्च विविधाः साङ्गाः पुराणान्विताः
वेदान्ता अपि मन्त्र-तन्त्र-सहितास्तर्क-स्मृतीनां गणाः ।
काव्यालङ्कृति-नीतिनाटकगणाः शब्दाश्च नानाविधाः
श्रीविष्णोर्गुणराशि-कीर्तनकराः कुर्वन्तु वो मङ्गलम् ॥७॥
आदित्यादि-नवग्रहाः शुभकरा मेषादयो राशयो
नक्षत्राणि स-योगकाश्च तिथयस्तदेवतास्तद्गणाः ।
मासाब्दा ऋतवस्तथैव दिवसाः सन्ध्यास्तथा रात्रयः
सर्वे स्थावर-जङ्गमाः प्रतिदिनं कुर्वन्तु वो मङ्गलम् ॥८॥
इत्येतद्वर मङ्गलाष्टकमिदं श्रीवादिराजेश्वरै-
व्र्याख्यातं जगतामभीष्टफलदं सर्वाऽशुभ-ध्वंसनम् ।
माङ्गल्यादि - शुभक्रियासु सततं सन्ध्यासु वा यः पठेद्
धर्मार्थादि- समस्त-वाञ्छितफलं प्राप्नोत्यसौ मानवः ॥९॥
इति श्रीमद्वादिराजविरचितं मङ्गलाष्टकं सम्पूर्णम् ।
.jpeg)
COMMENTS