देववाणीं वेदवाणीं मातरं वन्दामहे ।
चिरनवीनां चिरपुराणीं सादरं वन्दामहे ।।
दिव्यसंस्कृतिरक्षणार्थं तत्परा भुवने भ्रमन्तः ।
लोकजागरणाय सिद्धाः संघटनमन्त्रं जपन्तः ।
कृतिपरा लक्षैकनिष्ठा भारतं सेवामहे ।।
भेदभावनिवारणार्थं बन्धुतामनुभावेयम।
कर्मणा मनसा च वचसा मातृवन्दनमाचरेम ।
कीर्तिधनपदकामनाभिर्विरहिता मोदामहे ।।
संस्कृतेर्विमुखं समाजं जीवनेन शिक्षयेम।
मनुकुलादर्शं समन्तात् पालयित्वा दर्शयेम।
जीवनं संस्कृतहितार्थं स्वार्पितं मन्यामहे ।।
वयमसाध्यं लक्ष्यमेतत् संस्कृतेन साधयन्तः ।
त्यागधैर्यसमर्पणेन नवलमितिहासं लिखन्तः ।
जन्मभूमिसमर्चनार्थं सर्वतः स्पन्दामहे ।।
भारताः सोदराः सर्वे भावमेतं हृदि विदधतः ।
वयं संस्कृतसाधका इह सज्जिता नैजं विधाय ।
परमवैभवसाधनार्थं वरमहो याचामहे ।।
,👌👌👌👌
जवाब देंहटाएं