ब्रह्मकमण्डलुनिर्गतनिर्मलगङ्गतरङ्गप्रक्षालिताङ्गपवित्रिते,नितान्तसिताञ्चलवसनविभूषिताङ्गलताप्रसन्नानने,विमलवरविलासहासच्छटाविभूषितललिताधरे,विद्रुमाभनखमणिरुचाच्छन्नाङ्गुलिस्फुरन्मुक्ताक्षमालामण्डलेऽजपाजपपरायणे,परमधवलपक्षद्वयसनाथितराजहंसपृष्ठप्रान्तविराजिते, ललिताक्रोडसुसंस्थितकच्छपीतिमहावीणागुणारणनस्फूर्जित सामस्वरसहितसकलागमच्छन्दोवितानप्रतानमधुरे मातर्महासरस्वति ! अत्रभवतीनाञ्चरणारविन्दमकरन्दरसानुपानपालितस्तेऽयं कुपुत्रवरः कुकविः कृष्णोपनामा सूरजकुमारो ब्रवीति सुप्रभातम् ।
अनङ्गरङ्गोत्सवमासकेऽस्मिन्
धरातले नृत्यति मोदमग्नः ।
चिदंशकस्ते प्रणवोपनामा
सदर्थसंवाहकशब्दशीलो ॥
लसन्महोदारसुभावसिद्धः ।
कवित्वधर्मादरबद्धबुद्धिः
पदारविन्दे नुतिमातनोति ।
वसन्तसन्तेन सुशिक्षितो सौ ॥
अनङ्गरङ्गोत्सवमासकेऽस्मिन्
वसन्तसन्तेन सुशिक्षितो सौ ।
धरातले नृत्यति मोदमग्नः,
चिदंशकस्ते कृष्णोपनामा ॥
सदर्थसंवाहकशब्दशीलो
लसन्महोदारसुभावसिद्धः ।
कवित्वधर्मादरबद्धबुद्धिः
पदारविन्दे नुतिमातनोति ।।
अयि! प्रसन्ना भव शारदे त्वं
मुखारविन्दे विश मे सुमातः!
मुखे मुखे मे विशतान्नु सद्यः
शुभावितेयं कविताक्षरश्रीः ।।
प्राणसंचारिणी रम्या हारिणी सुधियां मनः ।
कृष्णोच्चारिता वाणी भूयाद्भुवनतारिणी॥
thanks for a lovly feedback