ध्वान्तविध्वंसिनी चन्द्रिकादीपिका
दीपावली के पावन पर्व को हम लोग धूमधाम से मनाते हैं उसी क्रम में आज हम प्रस्तुत करते हैं संस्कृत भाषा में बनी बहुत ही सुंदर रचना "दीपिका-सप्तकम्" जिसे डॉक्टर बसंत भट्ट जी ने बहुत ही सुंदर भावों से सजाया है -
दीपावलीमधिकृत्य "स्रग्विणी" छन्दसि रचितं "दीपिका-सप्तकम्" प्रस्तूयते ।
गह्वरे राजते स्वल्पको द्योतकः
पर्वते शोभते तारिकावल्लरी ।
दैनिकाद्भास्करात् तेजसो ग्राहिका
ध्वान्तविध्वंसिनी चन्द्रिकादीपिका ।।1।।
गोपुरे चञ्चला दीपनी काशते
मन्दिरे घण्टिकासंयुता दीपिका ।
आलये विद्युता दीपिकानर्तकी
शोभते सर्वदा चक्षुषो रञ्जना ।।2।।
साश्विने दीपकस्यावली त्वागता
काशिका नायिका दीपिका प्रोज्ज्वला ।
प्राङ्गणे शोभते दीपिका स्नेहजा
भामती दीपिका पातु ते सौख्यदा ।।3।।
आलये विस्तृता दीपिका संस्तुता
तेजसो दानदा भाग्यदा दीपिका ।
दीप्यते स्रग्विणी भामिनी दीपिका
आशिषो वाहिनी दीपिकाऽनन्तिका ।।4।।
नागरे मन्दिरेsन्धं तमः शासिका
प्रेयसो वर्षिका संस्थिता मङ्गला ।
शोभते दीपिकामालिका नूतना
नर्मदा शर्मदा रिद्धिदा सिद्धिदा ।।5।।
नूतने वासरे भाति सूर्योदयः
हार्दिकं स्वागतं, मङ्गलं कामये ।
जीवने भातु ते कर्मजा पङ्कजा
सर्व-दा पातु ते दीपिका शारदा ।।6।।
नूतनं ज्योतिका-सप्तकं राजते
पठ्यमानो नरो नैकधा मोदते ।
दीपिका-सप्तकं गीयते नन्दने
भाषमाणो जनः कीर्त्यते भूतले।।7।।
शुभाकाङ्क्षी वसन्तो भट्टः
( स्वल्पको द्योतकः = खद्योतः, दीपनीसपूपतकम् = मशाल इति भाषायाम्, स्नेहजा = तैलजाता ।, कर्मजा = श्रमजाता । , पङ्कजा = कमला = लक्ष्मीः । )
स्रग्विणी-छन्दसि चत्वारो र-गणाः ( गुरु-लघु-गुरु ) प्रयुज्यन्ते- इत्यवधेयम् ।।
thanks for a lovly feedback