आ.सूरजकृष्णशास्त्रिणाविरचितं श्रीगङ्गाष्टकम्

नारायणस्याम्बुजपादभूता  कमण्डले स्थापयिता च ब्रह्मा । भगीरथस्य सुतपप्रभावै- रागच्छती भूधरराजस्याङ्के  ।।१।। यत्रस्थिताऽनङ्...

नारायणस्याम्बुजपादभूता 

कमण्डले स्थापयिता च ब्रह्मा ।

भगीरथस्य सुतपप्रभावै-

रागच्छती भूधरराजस्याङ्के  ।।१।।

यत्रस्थिताऽनङ्गविध्वंसकारी 

विकीर्णकेशाञ्चितशूलधारी ।

तेनधृतस्त्वां निजशीर्षमध्ये 

शिवप्रिया नाम तदा बभूव ।।२।।

शिवस्य केशात् पुनरापतन्ती

सहस्रधारायां विस्फुरन्ती  ।

सगरात्मजानां मुक्तिं भजन्ती

जनान् पुनन्ती भागीरथीयम्  ।।३।।

नमामि गङ्गे ! भवतापहारिणी 

विहारिणी पङ्कजवासतोये ।

मकरोपरिस्थितिगा शोभमानो-

द्यतकान्तिरूपं चन्द्रांशुभीरिव ।।४।।

भजामि त्वाऽहं सुमुनीन्द्रसेविजा

स्वर्गाङ्गणादागमनञ्च मङ्गलम् ।

हिमाद्रिजा तव सुविशालकीर्तिः

पुरन्दरीच्युतमर्त्ये वसानम्  ।।५।।

यदा यदाऽहं पश्यामि रूप-

मुद्वेलितो मम हृदयं सदैव। 

त्वं नववधूरिव लसिता नवीना

प्रतिक्षणं विहरति नाऽवतिष्ठति ।।६।।

मातुस्तवाञ्चलमध्ये वसामि

सुखञ्च शान्तिञ्चाप्यनुभवामि ।

जानामि नाऽहं महिमानमेव-

मुद्भावयित्री त्वमेव भावान्   ।।७।।

कृपां कुरुत्वं भो देवि गङ्गे !

क्षमापयतु विमले ! मेऽपराधः ।

देहान्तकाले  तव दर्शकामः

पार्श्वेस्थितः त्वामिति मे मतिर्स्यात् ।।८।।

।। आ.सूरजकृष्णशास्त्रिणाविरचितं श्रीगङ्गाष्टकम्  ।।